खानापुर जेएनएमसी न्यायालयाचे प्रधान दिवाणी न्यायाधीश वीरेश हिरेमठ यांनी सहकारी संस्थांशी संबंधित खानापुर तालुक्यातील जास्तीत जास्त खटले निकाली काढण्यासाठी सहकार्य करण्याच्या सूचना दिल्या.

खानापुर न्यायालयात तालुका सहकारी संस्थेचे अध्यक्ष, सचिव, पोलीस अधिकारी व वकील यांची बैठक बोलावण्यात आली होती. न्यायालयाचे वॉरंट व नोटिसा वेळेवर पोहोचवा अन्यथा कारवाई केली जाईल, असा इशारा पोलिसांनी दिला.

बार असोसिएशनचे अध्यक्ष ॲडव्होकेट ईश्वर घाडी यांनी सहकारी संस्थेचे अध्यक्ष व सचिव यांना 13 जून रोजी होणाऱ्या लोकअदालतीमध्ये जास्तीत जास्त प्रकरणे निकाली काढण्यासाठी सहकार्य करण्याची विनंती केली.

यावेळी खानापूरचे पीआय मंजुनाथ नायक, नंदगड पोलिस स्टेशनचे पीआय एस.आर.पाटील, तालुका सहकारी संस्थेचे अध्यक्ष व सचिव व पोलिस कर्मचारी सहभागी झाले होते.