लोकसभेचे विरोधी पक्षनेते राहुल गांधी यांनी काल दिल्लीतील अधिवेशनादरम्यान हिंदू समाजाचा अपमान केल्याच्या वक्तव्याचा निषेध करण्यासाठी भाजप नेते आणि कार्यकर्त्यांनी आज बेळगाव दक्षिण मतदारसंघात रास्ता रोको केला.

मंगळवारी सायंकाळी बेळगावच्या शहापूर येथील डॉ. श्यामा प्रसाद मुखर्जी रोड चौकात आमदार अभय पाटील यांच्या नेतृत्वाखाली भाजपचे नगरसेवक, पदाधिकारी व कार्यकर्त्यांनी लोकसभेचे विरोधी पक्षनेते राहुल गांधी यांच्या हिंदुत्वविरोधी वक्तव्याचा निषेध केला. शेम शेम राहुल गांधी शेम शेम घोषणा देत त्यांनी आपला संताप व्यक्त केला.

लोकसभा अधिवेशनाच्या पहिल्याच भाषणात विरोधी पक्षनेते राहुल गांधी यांनी हिंदू समाजाविरोधात वक्तव्य केले होते. याला देशभरातून मोठा विरोध झाला होता. आज बेळगाव दक्षिणमध्ये भाजपचे शहर सेवक, पदाधिकारी व कार्यकर्त्यांनी राहुल गांधी यांचा पुतळा जाळण्याचा प्रयत्न केला. मात्र, पोलिसांनी परवानगी न दिल्याने पोलिस आणि आंदोलकांमध्ये बाचाबाची झाली. पाऊस असूनही आंदोलकांनी काही वेळ रस्त्यावर बसून धरणे आंदोलन केले.

यावेळी भाजपचे नगरसेवक , पदाधिकारी व कार्यकर्त्यांचा सहभाग होता.