गॅस गळतीमुळे आगीचा भडका उडून गंभीर जखमी झालेल्या सुळगा येथील वृद्ध दाम्पत्याचा अखेर मृत्यू झाला .

बेळगाव तालुक्यातील सुळगा येथील शंकर गल्ली येथील रहिवासी कल्लाप्पा यल्लापा पाटील (वय ६५ ) आणि त्यांची पत्नी सुमन कल्लाप्पा पाटील (वय ६१) हे दोघेही शनिवार दिनांक १८ मे रोजी घरामध्ये सिलिंडर गॅस गळतीमुळे आगीचा भडका उडून गंभीर जखमी झाले होते . त्याना बेळगाव जिल्हा रुग्णालयात उपचारासाठी दाखल करण्यात आले होते . नंतर उपचार सुरु असताना सहा दिवसानंतर शुक्रवारी या दोघांचा मृत्यू झाला . या घटनेने हळहळ व्यक्त करण्यात येत आहे .