विहिरीत पोहण्यासाठी गेलेल्या २१ वर्षीय तरुणाचा बुडून मृत्यू झाल्याची घटना बेळगाव जिल्ह्यातील अथणी तालुक्यातील अनंतपूर गावात घडली.

अनंतपुर गावातील शिवानंद मधू मेत्री (वय २१ ) या तरुणाचा बुडून मृत्यू झाला . मयत शिवानंद हा दिवसभर घरी न परतल्याने कुटुंबीयांनी शोध घेतला असता तो अनंतपूर गावातील मेत्री यांच्या शेतविहीरीत येथे पोहायला गेला असल्याची माहिती मिळाली . त्यांनी ताबडतोब अग्निशामक दलाला पाचारण केले .

अग्निशमन दलाच्या जवानांनी घटनास्थळावरून मृतदेह बाहेर काढला, शवविच्छेदन करून मृतदेह कुटुंबीयांच्या ताब्यात दिला. अथणी पोलीस ठाण्यात या प्रकरणी गुन्हा दाखल करण्यात आला आहे.