धारवाड लोकसभा मतदारसंघात आठ विधानसभा मतदारसंघांचा समावेश असून आता लोकसभा सार्वत्रिक निवडणुकीच्या मतदानाची उलटी गिनती सुरू झाली आहे. या पार्श्वभूमीवर ग्रामीण विधानसभा मतदारसंघातील मतदान यंत्रांची जमवाजमव करण्यात आली.

धारवाड शहरातील बासेल मिशन स्कूलमध्ये पहाटेपासून मस्टरिंगचे काम सुरू झाले आहे. उद्या ७ मे रोजी मतदान होणार असून धारवाड जिल्हा प्रशासनाने सकाळपासूनच शांततेत मतदानासाठी सर्व तयारी केली आहे. आता अंतिम टप्पा म्हणून ईव्हीएम मशिनची जमवाजमव सुरू असून मतदान यंत्र मतदान केंद्र अधिकाऱ्यांकडे देण्याची अंतिम तयारी सुरू आहे.

आपापल्या बूथचे वाटप केलेले मतदान साहित्य घेऊन , अधिकारी आज दुपारनंतर 20 सेक्टरमधील 234 मतदान केंद्रांवर जातील . मतदान प्रक्रियेत सहभागी होणाऱ्या अधिकाऱ्यांना विशेष किट आणि हेल्थ किट वाटप करण्याची कार्यवाही जिल्हा प्रशासनाने केली आहे.