समर्थनगर, बेळगाव येथे प्रतिवर्षाप्रमाणे श्री ग्रंथराज ज्ञानेश्वरी सांप्रदायिक सामुदायिक पारायण सोहळाचे आयोजन करण्यात आले आहे. त्याची मुहूर्तमेढ आज रोवण्यात आली.

नुतन वर्षाच्या मुहुर्तावर या पारायण सोहळ्याचे मंडप खांब पुजन सौ व श्री निर्मल शंकर कणेरी यांच्या शुभहस्ते करण्यात आले. यावेळी वारकरी संप्रदायाचे विठ्ठल रुक्मीनी भजनी मंडळ भाजीमार्केट यांच्यातर्फे महाआरती करण्यात आली. यावेळी नागेश गावडे यांनी सौ व श्री निर्मल शंकर कणेरी यांचा शाल व श्री फळ देऊन सत्कार केला.

यावेळी मलिकार्जुन नगर तसेच समर्थ नगर मधील नागरिक व वारकरी मोठ्या संख्येने उपस्थित होते. सूत्रसंचालन अरुण गावडे यांनी केले तर आभार अशोक जनकाठी यांनी मानले.