मंत्री सतीश जारकीहोळी यांनी गोकाक तालुक्यातील धुपदाळ गावात घटप्रभा आणि हिरण्यकेशी नद्यांवर बांधलेल्या जलाशयाला भेट देऊन पाणी साठवण क्षमतेची पाहणी केली. त्याचबरोबर पाणीसाठा वाढविण्यासाठी आराखडा तयार करण्यासाठी मंत्र्यांनी अधिकाऱ्यांशी चर्चा करून काम लवकर सुरू करण्याच्या सूचना अधिकाऱ्यांना दिल्या.

यावेळी बोलताना मंत्री सतीश जारकीहोळी म्हणाले की, या धरणाची क्षमता वाढल्याने शेतकरी व जनतेला फायदा होणार आहे. याच निमित्ताने लोक आणि पशुधनाची पिण्याच्या पाण्याची टंचाई पूर्ण करण्यासाठी हिडकल जलाशयातून १ एप्रिलपासून २ टीएमसी पाणी सोडण्यात येत आहे. बेळगाव जिल्ह्यातील दुष्काळी परिस्थिती आणि पावसाअभावी लोक व जनावरांसाठी पाण्याची टंचाई निर्माण झाली आहे, सरकारचे आदेशानुसार बागलकोटाआणि मार्ग मध्य गावांना पिण्यासाठी हिडकल जलाशयातून घटप्रभा नदीपर्यंत २ टीएमसी पाणी सोडले जात आहे.

सध्याच्या दुष्काळामुळे जनतेने पाण्याचा काटकसरीने वापर करावा असे आवाहन केले. यावेळी राजू दरगशेट्टी, महांतेश मगदुम, आरिफ पीरजादे, रेहमान मोकाशी, आनंद कुलकर्णी, बी.आर. कलस, विनोद एच, नागेश कोलकार, शिवकुमार आदी उपस्थित होते.