वाहनावर प्रेसचा स्टिकर लावून बेकायदेशीररित्या चंदनाची वाहतूक करणारे वाहन आणि सुमारे 40 किलो चंदन हुक्केरी वनविभागाचे अधिकारी प्रसन्न बेल्लद यांच्या नेतृत्वाखालील पथकाने जप्त केले .

हुक्केरी तालुक्यातील गुडस गावाच्या हद्दीत चंदनाच्या लाकडाची तस्करी होत असल्याची खात्रीशीर माहिती मिळताच स्विफ्ट डिझायर कार क्रमांक केए 51 – एमके 7821 या गाडीचा पाठलाग केला असता आरोपी अंधारात कार रस्त्यावर सोडून पळून गेले. .
“प्रेस” असा स्टिकर कारच्या समोर चिकटवण्यात आला होता आणि टीव्ही 11 कन्नड वाहिनीच्या बागलकोट जिल्हा प्रतिनिधी पुंडलीक बजंत्री यांचे ओळखपत्र कारच्या आत सापडले.

वनाधिकारी प्रसन्न बेल्लद यांनी गुन्हा दाखल करून घेतला . या प्रकरणाचा तपास सुरू असून आरोपींच्या अटकेसाठी जाळे लावण्यात आले आहे. मुख्य वनसंरक्षक मंजुनाथ चव्हाण व उप वनसंरक्षक एस.एस.कल्लोलीकर यांच्या मार्गदर्शनाखाली सहायक वनसंरक्षक शिरूद्रप्पा कबाडगी, प्रसन्न बेल्लद , विष्णुकुमार नाईक, रायप्पा बबली व कर्मचाऱ्यांनी ही कारवाई केली.