फळांचा राजा हापूस आता बेळगाव बाजारपेठेत मोठ्या प्रमाणावर दाखल झाला असून आंब्याचा दर ग्राहकांच्या आवाक्याबाहेर असला तरी मोठ्या प्रमाणावर खरेदी सुरु आहे . बेळगावच्या होलसेल फ्रुट मार्केटमध्ये ग्राहक आंबा खरेदीसाठी दाखल होऊ लागले आहेत .

साधारणपणे मार्च प्रारंभापासून बाजारात आंब्याची आवक सुरु होते . बेळगाव बाजारपेठेत देखील हापूस आंब्यासह केशर , पायरी आणि अन्य जातींचे आंबे विक्रीसाठी दाखल झाले आहेत .मात्र ग्राहक मालवण, देवगड ,रत्नागिरी , वेंगुर्ला या कोकणातून येणाऱ्या हापूस आंब्याला जास्त पसंती दर्शवत आहेत .

बेळगावच्या होलसेल फ्रुट मार्केट मधील व्यापारी वसीम यांनी इन न्यूजला माहिती देताना सांगितले कि , अगदी सुरुवातील अर्ध्या डझनासाठी ३६०० रुपये असा दर होता . आवक वाढल्याने आता तो दोन हजार रुपयांपर्यंत उतरला आहे . त्यामुळे ग्राहक खरेदीसाठी येत आहेत . केशर , हापूस आणि पायरी जातीचा आंबा चांगल्या प्रतीचा मिळत आहे . दहा मग , एक डझन , सव्वा डझन , दीड डझन अशा पॅकिंगमध्ये आंबे येत आहेत . मालवण ,बेंगुर्ला , रत्नागिरी , देवगड येथून मालाची अवाक होत आहे . बाहेर ६०० ते ८०० रुपयांना आंबा विकी केली जात आहे . मात्र ग्राहकांना चांगली क्वालिटी हवी असेल तर त्यांनी इथे येऊन आंबे खरेदी करावेत असे आवाहन त्यांनी केले . शिवाय होळीनंतर आंब्यांचा दर थोडा कमी होईल असे सांगितले .

तर आंबे खरेदीसाठी आलेल्या इंजेशार या ग्राहकाने आंबे चांगल्या प्रतीचे आणि चवदार असून चांगल्या प्रतीचा माल आता मिळत असल्याचे सांगितले .

महांतेश नगर येथील एका ग्राहकाने या ठिकाणी चांगल्या प्रतीचा आंबा मिळत असल्याचे सांगितले . ग्राहकांना परवडेल अशा दरात सध्या आंबे उपलब्ध आहेत . आम्ही हापूस आंब्याला प्राधान्य दिले आहे . बाकी अन्य जातीचे देखील आंबे उपलब्ध आहेत . ग्राहकांनी याठिकाणी येऊन आंबे जरूर खरेदी करावेत असे आवाहन केले .

एकंदर बेळगाव बाजारपेठेत आता फळांचा राजा आंब्याचे अस्तिव जाणवू लागले आहेत . लोक आता आंबा खरेदी करू लागले आहेत . होळीनंतर आंब्याचा दर कमी होऊन सर्वसामान्यांना देखील आंबा खरेदी करता येणार आहे .