बेळगावच्या डॉ. प्रभाकर कोरे केएलई संस्थेने कागवाड तालुक्यातील ऐनापूर शहरातील केआरईस शैक्षणिक संस्थेच्या सभागृहात मोफत आरोग्य तपासणी व उपचार शिबिराचे आयोजन केले होते. सुमारे तीन हजार शिबिरार्थींनी शिबिराचा लाभ घेतला. शिबिरार्थींना मोफत तपासणी व उपचारासोबत सुमारे 10 लाख रुपये किमतीच्या गोळ्या व औषधे देण्यात आल्याचे संस्थेचे प्रशासकीय अधिकारी डॉ.अल्लामा प्रभू यांनी सांगितले.

मंगळवारी सकाळी ऐनापूर केआरईएस येथे ऐनापूरच्या गुरुदेव आश्रमाचे बसवेश्वर स्वामीजींच्या उपस्थितीत शिबिराचे उद्घाटन करण्यात आले.
बसवेश्वर स्वामीजी म्हणाले कि , डॉ.प्रभाकर कोरे हे केएलई संस्थेच्या माध्यमातून कर्नाटकात तसेच संपूर्ण देशातील प्रमुख शहरांमध्ये तज्ञ डॉक्टरांकरवी व्याख्याने देत होते. त्यांची सेवा सर्वांसाठी अनुकरणीय आहे. त्यांनी ग्रामीण भागातील १३२ डॉक्टर आणि ज्येष्ठ तज्ञांना मोफत आरोग्य तपासणी व उपचार देण्यासाठी आणले आहे.
केएलई संस्थेचे प्रशासकीय अधिकारी डॉ. अल्लम प्रभू म्हणाले की, अमित अण्णा कोरे फॅन क्लब, डॉ. प्रभाकर कोरे केएलई इन्स्टिट्यूट आणि जवाहरलाल नेहरू मेडिकल युनिव्हर्सिटीचे वैद्यकीय पथक ऐनापूर शहरात दाखल झाले आणि त्यांनी मोफत आरोग्य तपासणी शिबिराचे आयोजन केले. सुमारे 3000 शिबिरार्थींनी शिबिराचा लाभ घेतला असून येथील शिबिरार्थींना सुमारे 10 लाख रुपये किमतीची औषधे व गोळ्या मोफत देण्यात आल्या आहेत. केएलई संस्थेचे प्रसिद्ध डॉक्टर जयप्रकाश वैद्य, डॉ.किरण पाटील, डॉ.मंजुनाथ हुक्केरी, डॉ.शारदा, डॉ.रुद्र संतुलिन, , डॉ.प्रशांत, डॉ.विजयालक्ष्मी, डॉ.चिनिसंदीप, डॉ. रवी, डॉ.अश्विनी, डॉ.अंबर, डॉ.सुश्रुत, डॉ. रोहितसह 28 विभागातील 132 डॉक्टर आणि कर्मचाऱ्यांच्या पथकाने येथे उपचार केले आहेत. ते म्हणाले की, गेल्या अनेक वर्षांपासून राज्यातील अनेक शहरांमध्ये अशीच मोफत शिबिरे घेऊन उपचार केले जात आहेत.

शिबिराच्या उद्घाटन सोहळ्याला साखर कारखान्याचे अध्यक्ष मल्लिकार्जुन कोरे, निमंत्रक भरत बनवणे, कागवाड भाजप मंडळाचे अध्यक्ष तमन्ना परशेट्टी, केआरईस शिक्षण संस्थेचे अध्यक्ष विश्वनाथ करची, संचालक राजेंद्र पोतदार , डॉ. आनंद कट्टी, प्रख्यात डॉक्टर आनंद मुतालिक यांच्यासह अनेक मान्यवर उपस्थित होते.

KRES शैक्षणिक संस्थेचे प्राचार्य, सर्व शिक्षक, स्काउट आणि विद्यार्थ्यांनी विशेष सहकार्य केले.