दावणगेरे शहरातील शामनूर शिवशंकरप्पा कल्याण मंडप येथे प्रदेशाध्यक्ष शिवानंद तगदुर यांच्या अध्यक्षतेखाली दोन दिवस चालणाऱ्या कर्नाटक कार्यरत पत्रकार संघाच्या ३८ व्या राज्यस्तरीय परिषदेचे उद्घाटन मुख्यमंत्री सिद्धरामय्या यांच्या हस्ते झाले.

दावणगेरे जिल्ह्याचे प्रभारी मंत्री एस.एस. मल्लिकार्जुन आणि शिवानंद तगदुर यांनी मुख्यमंत्र्यांचे स्वागत व सत्कार केला.
मुख्यमंत्री सिद्धरामय्या म्हणाले की, प्रसारमाध्यमांनी वस्तुस्थितीवर आधारित बातम्या द्याव्यात, 100% सत्य नसेल तर किमान 90% बातम्या सत्याच्या जवळ असायला हव्यात, तर समाज सुधारता येईल आणि वंचितांना मदत करता येईल.

यावेळी परिवहन मंत्री रामलिंगारेड्डी, मंत्री एसएस मल्लिकार्जुन, माजी मंत्री डॉ.शामनूर शिवशंकरप्पा, पुंडलिका बालोजी, आमदार देवेंद्र प्रसाद, जिल्हाधिकारी एम व्यंकटेश , एसपी उमा प्रसाद उपस्थित होते.परिवहन मंत्री रामलिंगा रेड्डी म्हणाले की, समाजावर प्रकाश टाकणाऱ्या पत्रकारांनी वस्तुनिष्ठ वृत्तांकन करावे आणि चुका सुधारण्याचे काम करावे.

प्रदेशाध्यक्ष शिवानंद तगदूर यांनी बोलतांना मुख्यमंत्र्यांनी येत्या अर्थसंकल्पात ग्रामीण भागातील पत्रकारांसाठी मोफत बस पासची करावी, अशी मागणी मुख्यमंत्र्यांना निवेदनाद्वारे केली असून, ग्रामीण भागात काम करणाऱ्या पत्रकारांना मोफत वाहतूक सुविधा उपलब्ध करून द्याव्यात
यावेळी कर्नाटकातील विविध जिल्ह्यातील हजारो कार्यरत पत्रकार उपस्थित होते.