मानवी जीवन हे सर्वांत मौल्यवान असून केवळ नियमपालनासाठी म्हणून नव्हे तर आपला जीव वाचवण्यासाठी वाहनचालकांनी हेल्मेट वापरणे गरजेचे आहे, असे आवाहन पीएसआय शिवकुमार बिरादार यांनी केले.

निपाणी तालुक्यातील बोरगाव सर्कलमधील जिल्हा पोलीस विभाग चिक्कोडी व सदलगा पोलीस ठाण्याच्या वतीने हेल्मेट जनजागृती रॅली काढून जनजागृती करण्यात आली. वाहनधारकांना आवर्जून हेल्मेट वापरण्याचे आवाहन यावेळी करण्यात आले.

तुमचे जीवन खूप मौल्यवान आहे आणि तुमच्या मागे वडील, आई, पत्नी आणि मुले तुमच्यावर अवलंबून आहेत. त्यामुळे वाहन चालवताना स्वतःच्या जीवाचे रक्षण करण्यासाठी हेल्मेट घालावे. बेळगाव जिल्हा पोलिस विभागातर्फे गेल्या अनेक दिवसांपासून हेल्मेट जनजागृती रॅलीद्वारे वाहनचालकांमध्ये जनजागृती करण्यात येत आहे.

सदलगा पोलिस ठाण्याच्या हद्दीत येणाऱ्या कारदगा, मांगूर, मानकापुर, बोरगाव, सदलगा आणि बेडकिहाळ सर्कलमध्ये हेल्मेट जनजागृती मोहीम सुरू करण्यात आली आहे. सीमाभागातील जनतेने जनजागृती मोहिमेत सहभागी व्हावे, असे आवाहन करण्यात आले.सदलगा पोलीस ठाण्यातील 20 हून अधिक पोलिसांनी हेल्मेट परिधान करून बाईक रॅली काढून जनजागृती केली. फ्लो