‘सिंघम 3′ या बहुचर्चित सिनेमाची चाहते आतुरतेने वाट पाहत आहेत. 2024 मध्ये हा सिनेमा प्रदर्शित होणार आहे. रोहित शेट्टी दिग्दर्शित या सिनेमातील अजय देवगनचा लूक आता आऊट झाला आहे. बाजीराव सिंघमच्या अंगावर शहारे आणणाऱ्या लूकने सर्वांचं लक्ष वेधून घेतलं आहे.

सिंघम’ फ्रेंचायजीच्या दोन्ही सिनेमांची प्रेक्षकांचं चांगलच मनोरंजन केलं आहे. आता पुन्हा एकदा अजय देवगन चाहत्यांची मने जिंकण्यासाठी सज्ज आहे. अजयने सोशल मीडियावर ‘सिंघम 3’ या सिनेमाचं मोशन पोस्टर शेअर केलं आहे. ‘सिंघम 3’च्या पोस्टरमध्ये अजयच्या सिंघम अवतार पाहायला मिळत आहे. पोस्टरमध्ये अजयसह सिंहाची झलकही पाहायला मिळत आहे. पोस्टर शेअर करत अजयने लिहिलं आहे,”तो पराक्रमी आहे, त्याच्याकडे शक्ती आहे, तो खतरा आहे, तो ताकद आहे..सिंघम पुन्हा येतोय”.

‘सिंघम 3’ सिनेमातील अजय देवगनचा लूक चाहत्यांच्या पसंतीस उतरला आहे. चाहते कमेंट्स करत सिनेमासाठी उत्सुक असल्याचं अभिनेत्याला सांगत आहेत. अजय सर कमाल, आता फक्त सिनेमाची प्रतीक्षा, बाजीराव सिंघम पुन्हा येतोय, अजय सर भारी लूक, अशा कमेंट्स चाहत्यांनी केल्या आहेत.

‘सिंघम 3′ कधी प्रदर्शित होणार? (Singham 3 Release Date)’सिंघम 3’ या सिनेमाच्या दिग्दर्शनाची धुरा रोहित शेट्टीने सांभाळली आहे. अजय देवगनसह या सिनेमात करीना कपूर मुख्य भूमिकेत दिसणार आहे. तसेच दीपिका पदुकोण आणि टायगर श्रॉफही या सिनेमात महत्तवाच्या भूमिकेत झळकतील. ‘सिंघम 3’ हा सिनेमा 15 ऑगस्ट 2024 रोजी सिनेमागृहात प्रदर्शित होणार आहे. या सिनेमाची आणि अल्लू अर्जुनच्या ‘पुष्पा 2’ या सिनेमाची बॉक्स ऑफिसवर टक्कर होणार आहे.