भारत देशात अजूनही अध्यात्मिक आणि देवावर विश्वास ठेवून जीवन जगणारे लोक मोठ्या संख्येने आहेत. 70 वर्षांच्या आजी-आजोबांसह 150 जण पायी चालत उगारपासून श्री क्षेत्र पंढरपूर येथे श्री विठ्ठलाच्या दर्शनासाठी जात आहेत.

दरवर्षी उगार खुर्द ते पंढरपूर 150 किमी पायी पायी चालत , इथले भाविक पांडुरंगाच्या विठ्ठलाचे दर्शन घेतात. माऊली भक्ती मंडळ व येथील माउली भजन मंडळाचे हे 20 वे वर्ष आहे. दिंडीत सहभागी झालेल्या सर्व ज्येष्ठ भाविकांनी आपला आनंद सांगितला आणि सांगितले की, विठ्ठलावर आमची नितांत श्रद्धा आहे आणि दर्शन घेतल्याने आम्ही चैतन्याने भरून गेलो आहोत.

माउली भक्ती मंडळाचे नेते बाबुराव कुलकर्णी म्हणाले, उगार मधील व्यापारी शिरगावकर कुटुंबातील ज्येष्ठ समाजसेवक दिवंगत बाबूकाका शिरगावकर यांच्या पत्नी तारकाकी शिरगावकर यांनी दिंडीची सुरुवात केली असून गेली 20 वर्षे आम्ही विठ्ठलाच्या दर्शनासाठी पायी दिंडी काढत आहोत. त्यामुळे सुमारे 80 जण व्यसनमुक्त झाले आहेत. अनेकांच्या प्रकृतीत सुधारणा झाली असून आपण आनंदाने जगत असल्याचे त्यांनी सांगितले.

प्राथमिक शाळेचे शिक्षक आप्पासाहेब कोळी म्हणाले, मी विठ्ठलाचा भक्त असून शिक्षक म्हणून सेवा करायचो. गेल्या 20 वर्षांपासून मी पायी चालत देवाचे दर्शन घेत आहे. माझ्यासह अनेक जण माउली भक्ती मंडळाच्या माध्यमातून दर्शन घेत आहेत. त्यात आध्यात्मिक शक्ती असल्याचे त्यांनी सांगितले

यात ज्येष्ठ , भगवंत निडोणी, अण्णासाहेब कोळी, चवरे गुरू, शांतीनाथ माळगी, दानपाल ऐतवाडे, बबन जाधव, उगारचे माजी ग्रामपंचायत अध्यक्ष दिलीप हुल्लोळी , गणपती गायकवाड, निर्मला कुलकर्णी, सोनाबाई निंबाळकर यांच्यासह 150 विठ्ठल भक्त सहभागी झाले होते. . बाबूराव कुलकर्णी यांनी सांगितले की, या पायी दिंडीत दररोज 30 किमी चालून पाच दिवसांत पंढरपूर येथे जाऊन , विठ्ठलाचे दर्शन घेणार आहे.