नुकतेच सेवानिवृत्त होऊन आपल्या गावी परतलेले माजी सैनिक शांतीनाथ तेरदाळी यांनी सांगितले की, मी भाग्यवान आहे की मला देशसेवेची संधी मिळाली.

हुक्केरी तालुक्यातील एलिमुन्नोल्ली गावचे ज्येष्ठ शांतीनाथ शिद्दप्पा तेरदाळी हे 31 ऑक्टोबर रोजी सेवानिवृत्त झाले, एलिमुन्नोल्ली येथील ग्रामस्थांनी खुली जीपमधून मिरवणूक काढून , पुष्पवृष्टी करून भव्य स्वागत केले .
निवृत्त सैनिकाने शांतीनाथ गावातील विविध मंदिरात जाऊन देवाचे दर्शन घेतले व प्रसारमाध्यमांशी संवाद साधला.गेली 19 वर्षे देशाच्या विविध भागात सैनिक म्हणून देशसेवा केल्यानंतर आज मी माझ्या गावी आलो आहे.
त्यानंतर क्यारगुड्ड येथील अभिनव मंजुनाथ स्वामी यांच्या दिव्य उपस्थितीत झालेल्या कार्यक्रमात ग्रामस्थांनी योद्धा शांतीनाथ दाम्पत्याचा सत्कार व अभिनंदन केले.

व्यासपीठावर ग्रामपंचायत अध्यक्षा मीरसाब मुलतानी, उपाध्यक्षा सुरेखा मालाज बीईओ प्रभावती पाटील, के बी हंचीनाळ उपस्थित होते.जावेद तहसीलदार म्हणाले की, एलिमुन्नोल्ली गावात 80 सैनिक निवृत्त झाले आहेत आणि 90 लोक आधीच देशाच्या सेवेतकार्यरत आहेत, त्यामुळे हुक्केरी तालुक्यात सर्वाधिक सैनिक देणारे हे गाव आहे. अशाप्रकारे देशाची सेवा करणाऱ्या जवानांचा सन्मान करण्यासाठी युवा संघ तयार करण्यात आल्याचे त्यांनी सांगितले.

यावेळी माजी सैनिक संघटनेचे अध्यक्ष महादेव बामणक्कगोळ , जावेद तहसीलदार , बसवराज गिरीगौडनवर, भरतेश पाटील, बाहुबली पाटील, संतोष कुंभार , संदीप इमागौडनवर, राजू देसाई व ग्रामस्थ तसेच 2000-2001 चे दहावीच्या बॅचचे माजी विद्यार्थी मोठ्या संख्येने या मिरवणुकीत सहभागी झाले होते