मलप्रभा नदीतून उजव्या काठच्या कालव्यात पाणी सोडण्यात आले असून, नरगुंद शाखा कालव्याला फक्त पिण्यासाठी पाणी सोडण्यात आले आहे. याची नोंद घेऊन कालवा परिसरात जनतेने सावधगिरी बाळगण्याचे आवाहन पाटबंधारे महामंडळाचे अधीक्षक अभियंता एस. बी. मल्लीगवाड यांनी केले आहे.

मलप्रभा सिंचन सल्लागार समितीची बैठक मलप्रभा प्रकल्प सिंचन सल्लागार समितीच्या अध्यक्षा आणि महिला व बालविकास मंत्री लक्ष्मी हेब्बाळकर यांच्या अध्यक्षतेखाली नुकतीच बेळगाव जिल्हाधिकारी कार्यालयाच्या सभागृहात मलप्रभेचे पाणी सोन्याबाबत बैठक घेण्यात आली होती. त्यावेळी चर्चा करून निर्णय घेतल्यानुसार जलाशयातील कमी पाणीसाठा आणि दुष्काळ जाहीर केल्यामुळे उपलब्ध पाणी जुलै-2024 पर्यंत पिण्यासाठी वापरावे लागेल, 2023-24 च्या गळीत हंगामासाठी पाणी उपलब्ध होणार नाही. मलप्रभा उजवा किनारा कालवा, नरगुंद शाखा कालवा, कोळची उजवा किनारा कालवा आणि उपसा जलसिंचन प्रकल्पांद्वारे पाणी सोडण्यात येईल.

त्यामुळे कालवा परिसरातील शेतकऱ्यांनी रब्बी हंगामात कालव्याच्या पाण्याच्या मदतीने पेरणी करू नये. 7 ते 15 नोव्हेंबर दरम्यान मलप्रभा उजवा कालवा आणि नरगुंद शाखा कालव्याद्वारे पाणी फक्त लोक आणि पशुधनासाठी पिण्यासाठी वळवले जाईल.
त्यामुळे नागरिक मुख्य कालव्याच्या काठावर पोहणे, गुरे धुणे आदी कामांसाठी जाताना आपत्ती ओढवल्याचे दिसून आले आहे. मुख्य कालवे व इतर कालव्यांभोवती फिरताना जनतेने काळजी घ्यावी, असे कर्नाटक पाटबंधारे महामंडळाचे अधीक्षक अभियंता एस. बी. मल्लीगवाड यांनी प्रसिद्धी पत्रकात म्हटले आहे.