बेळगाव शहरात उद्या 1 नोव्हेंबर रोजी कर्नाटक राज्योत्सव अनोख्या पद्धतीने साजरा करण्यात येणार आहे. या अंदाजे 3 ते 5 लाख लोक राज्योत्सव सोहळ्यात सहभागी होण्याची अपेक्षा आहे. यावेळीही काळा दिन साजरा करण्यास परवानगी दिली जाणार नसल्याचे जिल्हाधिकारी नितेश पाटील यांनी सांगितले.

जिल्हाधिकारी कार्यालयात मंगळवारी राज्योत्सवानिमित्त आयोजित पत्रकार परिषदेत जिल्हाधिकारी नितेश पाटील यांनी ही माहिती दिली. दरवर्षीप्रमाणे यंदाही जनतेच्या सोयीसाठी सर्व तयारी करण्यात आली आहे. मिरवणुकीत सहभागी होणाऱ्यांना सर्व आवश्यक सुविधा उपलब्ध करून देण्यात येणार असल्याचे त्यांनी सांगितले. राज्योत्सवात जिल्हा प्रशासनाकडून कन्नड समर्थक सेनानी आणि प्रसारमाध्यम प्रतिनिधींसह 25 जणांचा सन्मान करणार असल्याचे जिल्हाधिकारी पाटील यांनी सांगितले. राज्योत्सव मिरवणुकीत 75 स्थिरचित्रे सहभागी होणार आहेत. ही संख्या आणखी वाढेल, असे ते म्हणाले.

राज्योत्सव कार्यक्रमात हुइलगोळ नारायणराया यांचे “उदयवागली नम्म चेलुवा कन्नड नाडू”, कुवेम्पू यांचे “एल्लादरू इरु एंतादरू इरु”, डॉ. द. रा. बेंद्रे यांचे “ओंदे ओंदे कर्नाटक ओंदे”, सिद्दय्या पुराणिक यांचे “हुत्तीतो हुत्तीतो कर्नाटक दीप” आणि चन्नवीर कणवी यांचे “हेसराईतु कर्नाटक उसिरागली कन्नड” ही पाच कन्नड गाणी गाऊन कन्नडंबे यांना अभिवादन करण्यात येईल असे जिल्हाधिकारी नितेश पाटील सांगितले.

घरासमोर रांगोळी घालून, पतंग उडवून आणि घरासमोर कन्नड ज्योती लावून उत्साह वाढवावा, असे आवाहन जिल्हाधिकारी नितेश पाटील यांनी केले आहे. त्यांनी जिल्ह्यातील प्रत्येकाने 1 नोव्हेंबर रोजी घरासमोर लाल आणि पिवळ्या रांगोळ्या काढाव्यात आणि “कर्नाटक संभ्रम-50 नाव कर्नाटक उसीरागली कन्नड” असा नारा लिहावा अशी विनंती केली आहे. नाडगीत 1 नोव्हेंबर रोजी सकाळी 9 वाजता राज्यातील सर्व रेडिओ केंद्रांवर प्रसारित होणार आहे. त्यानिमित्ताने जिल्ह्यातील सर्व नागरिकांनी नाडगीत प्रसारित होत असताना उभे राहून त्याचा आदर करावा. 1 नोव्हेंबर रोजी सायंकाळी 5 वाजता सर्व गावच्या मैदानावर लाल-पिवळ्या पट्टीचे पतंग उडवून सुवर्ण संभ्रम पतंग महोत्सव साजरा करण्यात यावा, असे त्यांनी सांगितले.

त्याचप्रमाणे जिल्हाधिकारी नितेश पाटील यांनी नागरिकांना आवाहन केले की, प्रत्येकाने 1 नोव्हेंबर रोजी सायंकाळी 7 वाजता घर, कार्यालय, दुकानासमोर पणत्या लावून कन्नड ज्योती प्रज्वलित करावी. जिल्ह्यातील सर्व नागरिक व संघटनांनी राज्योत्सव सोहळ्यात सहभागी व्हावे. रांगोळी, पतंगोत्सव आणि कन्नड ज्योती लावण्याची विनंती केली.

बेळगाव शहर पोलीस आयुक्त एस.एन.सिद्धारप्पा यांनी राज्योत्सवानिमित्त पत्रकार परिषदेत बोलताना सांगितले की, मिरवणूक व्यवस्थित पार पडावी यासाठी आम्ही खबरदारीच्या उपाययोजना करणार आहोत. शहरभरात आम्ही 300 सीसी टीव्ही कॅमेरेही बसवले आहेत. काळा दिवस पाळण्यासाठी आम्हाला अर्ज आले होते, पण आम्ही ते फेटाळले. जर त्यांनी काही उल्लंघन केले तर आम्ही त्यांच्यावर कठोर कायदेशीर कारवाई करू.”

शांतता व सुव्यवस्था राखणे हाच आमचा उद्देश आहे, आम्ही त्यांना कडक ताकीद दिली आहे, आम्ही अतिरिक्त पोलिस बंदोबस्त वाढवला आहे, जर ते काळ्या कपड्यात मिरवणुकीत दिसले तर आम्ही त्यांना जागेवरच अटक करू आणि कारवाई करू. बाइट

एसपी डॉ. भीमाशंकर गुळेद म्हणाले की, आम्ही आमच्या जिल्ह्याच्या सीमेवर 15 ठिकाणी चेकपोस्ट बांधले असून कन्नड राज्योत्सव भव्य पद्धतीने साजरा करण्यासाठी आमचा सर्व विभाग परिश्रम घेत आहे. काल महाराष्ट्रात आमची राज्य बस जाळण्यात आली असे ते म्हणाले.

पत्रकार परिषदेला बेळगाव जिल्हा पंचायत मुख्य कार्यकारी अधिकारी हर्षल भोयर, अपर जिल्हाधिकारी विजयकुमार होनकेरी, प्रोबेशनरी आयएएस. अधिकारी शुभम शुक्ला, कन्नड आणि संस्कृती खात्याच्या उपसंचालक विद्यावती भजंत्री आदी उपस्थित होते.