गोकाक तालुक्यातील घटप्रभा नगर येथील केएचआय नर्सिंग महाविद्यालयात तृतीय वर्षात शिकणाऱ्या गोव्यातील ऋतुजा रमेश पडलोस्कर (21) या विद्यार्थिनीने महाविद्यालयाच्या इमारतीवरून उडी मारून आत्महत्या केली.

सोमवारी संध्याकाळी ६ वाजता नेहमीप्रमाणे कॉलेज संपवून ऋतुजा बिल्डिंगकडे जातानाचे दृश्य सीसी कॅमेऱ्यात कैद झाले. तिने कॉलेजच्या इमारतीवरून उडी मारून आत्महत्या केली.

इमारतीवरून काहीतरी पडल्याचा आवाज तेथे उपस्थित असलेल्या विद्यार्थ्यांना ऐकू आला . त्यांनी त्या ठिकाणी जाऊन पहिले असता ऋतुजा मृत्यूशी झुंज देत असल्याचे पाहून तिया तातडीने रुग्णालयात नेऊन उपचार केले.

मात्र उपचाराचा फायदा न झाल्याने ऋतुजाचा मृत्यू झाला.
आत्महत्येचे नेमके कारण कळू शकलेले नाही.
घटप्रभा पोलिसांनी घटनास्थळी दाखल होऊन , गुन्हा दाखल करून तपास सुरू केला.