काँग्रेसच्या कोणत्याही आमदाराने पक्षांतर्गत बाबींवर जाहीर वक्तव्य करू नये. केल्यास त्यांना करणे दाखवा नोटीस पाठवण्यात येईल, हा सर्वांना अंतिम इशारा आहे असे उपमुख्यमंत्री, केपीसीसीचे अध्यक्ष डीके शिवकुमार यांनी सांगितले.

सदाशिवनगर त्यांच्या निवासस्थानाजवळ आज प्रसारमाध्यमांशी बोलताना, तीन काँग्रेस आमदारांना भाजपकडून 50 कोटी रुपये आणि मंत्रिपद देऊ करण्यात आल्याच्या मुद्द्यावर शिवकुमार यांनी प्रतिक्रिया दिली. आम्हालाही सगळ्यांच्या चाली माहीत आहेत. सरकारविरोधात मोठे षडयंत्र सुरु आहे. यात काही ज्येष्ठ नेते आहेत. सरकारला धक्का पोहोचविण्यासाठी ते खूप प्रयत्न करतोय. पण, त्याचा काहीही परिणाम होणार नाही, असे ते म्हणाले.

पक्षांतर्गत बाबींवर कोणत्याही आमदाराने वक्तव्य करू नये, असा इशारा डीकेशी यांनी यापूर्वी दिला होता. मात्र, आमदार इकडे तिकडे वेगवेगळी वक्तव्ये करत आहेत. या पार्श्वभूमीवर डीकेशी यांनी आज पुन्हा एकदा कडक इशारा दिला आहे.

मी आमच्या पक्षाच्या आमदारांना पुन्हा आवाहन करतो, पक्षाच्या मुद्यांवर कोणीही जाहीर वक्तव्य करू नये. तरीही निवेदन दिल्यास नोटीस बजावावी लागेल, असा कडक इशारा त्यांनी दिला