बेळगाव येथे होणाऱ्या हिवाळी अधिवेशनात सहकार विभागातील काही कायद्यांमध्ये सुधारणा करण्यात येत असल्याची माहिती माजी उपमुख्यमंत्री व अथणीचे आ. लक्ष्मण सवदी यांनी दिली.

लोकूर परिसर सहकारी संस्थेच्या कागवाड शाखेच्या उदघाटन समारंभात बोलताना आ. लक्ष्मण सवदी म्हणाले की, कर्नाटक राज्यातील सहकारी संस्था विद्यमान सहकार, अधिनियम नियम, सहकार आणि निर्मूलन आणि आंतरराज्य सहकारी संस्था अशा तीन कायद्यांतर्गत काम करत आहेत. सहकारी सदस्य आणि संस्थांना फायदा हवा यासाठी बेळगाव येथे होत असलेल्या हिवाळी अधिवेशनात सहकार कायद्यात दुरुस्ती करण्यात येणार आहे.

परमानंदवाडीचे डॉ. अभिनव स्वामीजी यांनी आशीर्वचन देताना, समाजातील इतरांच्या दुःखात व आनंदात सहभागी होऊन, कष्टात असताना एकमेकांना मदत केली पाहिजे. समाजातील प्रत्येक व्यक्तीला आर्थिक समस्या सोडविण्यासाठी मदतीचा हात देण्यासाठी अशा संस्था निर्माण करणे आवश्यक आहे. त्यांनी सर्वांना संस्थेची काळजी घ्या आणि ती अधिक वाढवा असा आशीर्वाद दिला. बाईट
कागवडचे आमदार राजू कागे यांनी यावेळी बोलताना समाजातील अनेकांनी संस्था काढल्या, मात्र काही दिवसांपासून योग्य व्यवस्थापनाअभावी त्या बंद पडत आहेत.

आर्थिक संकट असताना वित्तीय संस्थांकडून कर्ज घ्यावे आणि वेळेत परतफेड करावी. ते म्हणाले की, जर तुम्ही कर्ज घेतले आणि त्यातून काही उत्पादन केले आणि उत्पन्नाच्या तिप्पट झाले, म्हणजे कर्ज योग्य प्रकारे फेडले जाईल, आणि जर तुम्ही सोने खरेदी केले, बाईक खरेदी केली आणि चायनीज वस्तूंसाठी पैसे जमा केले तर कुटुंब निश्चितच संकटात पडेल.

संस्थेचे संस्थापक अध्यक्ष ऍडव्होकेट शंकर गडीगे यांनी बोलताना, लोकुर गावात शिक्षण घेतलेल्या आणि वेगवेगळ्या शहरांमध्ये वास्तव्यास असलेल्या तत्कालीन तरुणांनी आजच्या ज्येष्ठांनी गावासाठी काही तरी योगदान द्यावे या उद्देशाने ही संस्था सुरू केल्याचे सांगितले.
पाहुण्यांचा सत्कार संस्थेचे अध्यक्ष राजाराम गाडगे यांच्या हस्ते करण्यात आला.

माजी जिल्हा पंचायत सदस्य अजित चौगुले, माजी एपीएमसी अध्यक्ष रवींद्र पुजारी, सुभाष कठारे, बेळगावचे उपविभागीय अधिकारी रवींद्र पाटील, शिवाप्पा चौगुले, तहसीलदार राजेश बुरली, सीडीपीओ संजूकुमार सदलगे संतोष शाहपुरी, एसएस गडगे, संतोष पुजारी, रमेश चौगुले आदी अनेकजण उपस्थित होते.