राज्यातील काँग्रेस सरकार लवकरच पडेल आणि डीसीएम डीके शिवकुमार यांना तिहार तुरुंगात परत जाण्याची वेळ जवळ आली आहे असे भाकीत माजी मुख्यमंत्री एचडी कुमारस्वामी यांनी वर्तवले.

रामनगर जिल्ह्यातील बिडदी येथील केतगनहळ्ळी येथे पक्षाच्या नेत्यांसोबत झालेल्या बैठकीत बोलताना त्यांनी, काँग्रेससोबतचे जेडीएसचे आघाडीचे सरकार कोसळण्यास डीके शिवकुमार जबाबदार असल्याचा आरोप केला. त्यांनी मला हात वर करायला भाग पाडले आणि आतून राजकारण करून सरकार पाडले. नंतर सरकारला वाचवण्याचा प्रयत्न केल्याचे सांगत मगरीचे अश्रू ढाळले. मी त्याच्यावर विश्वास ठेवला आणि त्यांनी माझा गळा कापला.

सरकारच्या पापाचे भांडे ओसंडून वाहत आहे, इतके वाईट सरकार मी पाहिले नाही, हे सरकार अंतर्गत कलहामुळे कोसळणार आहे. राज्यात 2024 मध्ये विधानसभेच्या निवडणुका होणार आहेत हे निश्चित, पुढे काय होणार हे मला माहीत आहे, त्या निवडणुकीत डीके उमेदवार म्हणून उभे राहण्याची शक्यता नाही. यापूर्वीही ते एकदा तिहार तुरुंगात गेले आहेत. ते पुन्हा तिहार तुरुंगात कायमचे गेल्यास आश्चर्य वाटू नये.

माजी मंत्री रमेश जारकीहोळी यांच्याशी माझे कोणतेही वैर नव्हते. बेळगाव जिल्हा मध्यवर्ती सहकारी बँकेत डी.के. शिवकुमार यांनी राजकारण आणले. परिणामी मी या बँकेच्या राजकारणाचा बळी ठरलो असे कुमारस्वामी म्हणाले.