बेळगाव जिल्ह्याचे विभाजन करायचे असेल तर प्रथम प्राधान्य बैलहोंगलला द्यायला हवे. बैलहोंगल तालुका जिल्हा म्हणून घोषित करावा अशी मागणी बैलहोंगलचे आमदार महांतेश कौजलगी यांनी केली आहे.

बेळगावात बुधवारी प्रसारमाध्यमांशी बोलताना आमदार महांतेश कौजलगी म्हणाले की, बेळगाव जिल्ह्याचे विभाजन झाल्यास प्रथम प्राधान्य बैलहोंगल तालुक्याला दिले पाहिजे. बैलहोंगल जिल्हा व्हावा, अशी जनतेची अनेक वर्षांपासूनची मागणी आहे. सरकारसमोर जिल्हा विभाजनाचा कोणताही प्रस्ताव नाही असे सांगण्यात येत आहे.

बैलहोंगल जिल्हा करायचा नसेल तर बेळगाव हा यथास्थिती अविभाज्य जिल्हा राहिला पाहिजे, असे आमदार महांतेश कौजलगी म्हणाले.