विविधतेला धोका निर्माण करणारा ‘हिंदी दिवस’ साजरा करणे थांबवावे आणि देशातील सर्व भाषांना समान सन्मान व संधी द्यावी, अशी मागणी युव कर्नाटक वेदिकेने केली आहे.

युव कर्नाटक वेदिकेने कर्नाटकात हिंदी दिवस साजरा करण्यास विरोध दर्शवला आहे. देशात हिंदीचा वापर वाढवण्याचे प्रयत्न केंद्र सरकारकडून जोरात सुरू आहेत, राज्यघटनेच्या कलम 344 आणि 351 मध्ये 22 भाषांना राष्ट्रभाषा म्हणून घोषित करण्यात आले आहे. भारताच्या चलनी नोटांवरही या भाषेत लिहिलेले आहे.

उत्तर भारतातील हिंदी, कर्नाटक राज्यावर लादल्याचा आम्ही निषेध करतो, महाराष्ट्रात मराठी आणि इंग्रजी, तमिळनाडूतही तमिळ आणि इंग्रजी, असे द्विभाषा धोरण असताना, फक्त कर्नाटकात त्रिभाषा धोरण लादणे ही मोठी चूक आहे, याला आमचा विरोध आहे.

कन्नडिगांच्या कराच्या पैशात हिंदी दिवस साजरा करणे चुकीचे आहे, कर्नाटकातील तरुणांनी उत्तरेकडील राज्यांतून कर्नाटकात येण्यापासून रोखावे, असे युव कर्नाटक वेदिकेचे जिल्हाध्यक्ष सदानंद यांनी सांगितले.
यावेळी युव कर्नाटक वेदिकेचे अनेक कार्यकर्ते उपस्थित होते.