बेळगावातील पोलीस मुख्यालयातील श्री वीरभद्रेश्वर मंदिरात आज शेवटच्या श्रावण सोमवारनिमित्त विशेष पूजा पार पडली. यानिमित्त पोलिसांकडून महाप्रसादाचे वाटप करण्यात आले.

वीरभद्रेश्वर मंदिर, पोलीस मुख्यालय, बेळगाव येथे दरवर्षीप्रमाणे श्रावण मासाच्या निमित्ताने भक्तांनी जमा केलेल्या देणगीतून महाप्रसादाचे आयोजन करण्यात आले होते. नागनूर रुद्राक्षी मठाचे श्री अल्लम प्रभू स्वामीजी आणि नूतन एसपी भीमाशंकर गुळेद यांच्या हस्ते भक्तांना प्रसाद वाटपाचा प्रारंभ करण्यात आला.

यावेळी इन न्यूजशी बोलताना मंदिराचे मुख्य पुजारी संगय्या शास्त्री म्हणाले की, वीरभद्रेश्वर देवाचा चमत्कार खूप मोठा आहे, ही प्रसाद सेवा सुमारे 30 वर्षांपासून सुरू आहे. मंदिराला भाविकांनी दिलेल्या देणगीतून महाप्रसाद दिला जातो. आजच्या महाप्रसादाचा सुमारे दहा हजार भाविकांनी लाभ घेतला.

यावेळी अल्लमप्रभू स्वामीजी, एसपी भीमाशंकर गुळेद, डीएसपी विरेश दोड्डामनी आणि हजारो भाविक उपस्थित होते.