कंग्राळी के.एच. गावात कुस्तीच्या आखाड्यासह पाच कोटी रुपये खर्चून विविध विकासकामे केली जातील, असे आश्वासन राज्याच्या महिला व बालकल्याण मंत्री लक्ष्मी हेब्बाळकर यांनी दिले.

त्या रविवारी कंग्राळी के.एच.गावातील ज्योती नगर येथील जनलोक सेवा संघटना व जनलोक सेवा सोसायटीच्या वतीने करण्यात आलेल्या सत्कार समारंभात बोलत होत्या . . राज्याची मंत्री म्हणून मी कुठेही असले तरी माझे ग्रामीण क्षेत्रातील काम थांबणार नाही. क्षेत्रातील विकासाची कामे सातत्याने सुरू राहतील. राज्यातील मतदारसंघ ,क्रमांक 1 करण्याचे माझे उद्दिष्ट मी पूर्ण करणार आहे. स्मार्ट सिटीच्या मार्गाने रस्ते, मलनिस्सारण आणि इतर पायाभूत सुविधांचा विकास केला जाईल, असे त्या म्हणाल्या .
निवडणुकीपूर्वी राजकारण काहीही असो. आता सगळे सारखेच आहेत. सर्व मिळून गावाचा विकास करूयात . विकासासाठी लवकरात लवकर निधी दिला जाईल असे आश्वासन दिले.

मी या मतदारसंघाची मुलगी असून आता राज्याची मंत्री आहे. निवडणुकीपूर्वी बरेच लोक वेगवेगळ्या प्रकारे बोलले. आरोप झाले. मी त्या सर्वांचे उत्तर दिले नाही, उलट तुम्ही स्वतः मतदान करून उत्तर दिले. काँग्रेस पक्ष, सरकार, मुख्यमंत्री आणि उपमुख्यमंत्र्यांनी माझ्यावर मोठी जबाबदारी दिली आहे. माझी जबाबदारी सक्षमपणे पार पाडण्यासाठी तुम्हा सर्वांच्या सहकार्याची गरज असल्याचे त्या म्हणाल्या .

ग्रामस्थ, ग्रामपंचायत अध्यक्षा माळगी, उपाध्यक्ष कल्लाप्पा पाटील, युवराज कदम, सतीश बांदिवडेकर , टी. डी. पाटील, विनोद माटले , गंगाराम कंग्राळकर, केम्पण्णा सनदी, मोहन कांबळे, राजू प्रधान , उदय जोगाणीं , आदी उपस्थित होते.