धारवाड ग्रामीण 71 मतदार संघातील भाजप कार्यकर्त्यांनी धारवाड शहरातील कडपा मैदानापासून जिल्हाधिकारी कार्यालयापर्यंत भव्य निषेध रॅली काढून राज्य काँग्रेस सरकारच्या शेतकरी विरोधी व लोकविरोधी धोरणाचा निषेध केला.

माजी आमदार अमृता देसाई यांच्या नेतृत्वाखाली भाजप कार्यकर्त्यांनी काँग्रेस सरकारच्या विरोधात घोषणाबाजी करत संताप व्यक्त केला. प्रदेश काँग्रेस आघाडीचे सरकार शेतकरीविरोधी धोरण अवलंबत आहे. राज्यात पाऊस लांबल्याने शेतकऱ्यांचे हाल होत असतानाही दुष्काळ, पीक विमा, पीक भरपाई जाहीर न करून सरकार शेतकऱ्यांकडे दुर्लक्ष करत असल्याचा आरोप त्यांनी केला.

आंदोलनात शेतकरी नेते गंगाधर पाटील कुलकर्णी, भाजप नेत्या सुनिल मोरे, रुद्रप्पा आरीवाल, निजनगौडा पाटील, शक्ती हिरेमठ, मंजुनाथ नडत्ती, श्रीनिवास कोट्यान, मडिवळप्पा सिंदोगी आदी सहभागी झाले होते.