सैन्यात भरती होण्याचे स्वप्न पाहणाऱ्या तरुणाने गळफास घेऊन आत्महत्या केली. ही घटना बेळगाव जिल्ह्यातील निप्पाणी तालुक्यातील हंचीनाळ गावात घडली आहे.

आप्पासो शिवाजी पनदे, (वय 24) असे आत्महत्या केलेल्या तरुणाचे नाव आहे. त्याने राहत्या घरी गळफास घेऊन आत्महत्या केली आहे. ही घटना आज दुपारी उघडकीस आली.

मृत तरुण गेल्या काही दिवसांपासून महाराष्ट्रातील एका खासगी कारखान्यात काम करत होता.

2 वर्षांपासून तो सैन्यात भरती होण्याच्या प्रयत्नात होता. परंतु त्याचे सैन्यात भरती होण्याचे स्वप्न पूर्ण झाले नाही.

आत्महत्येचे नेमके कारण समजू शकलेले नाही. निपाणी ग्रामीण पोलिसांनी घटनास्थळी भेट देऊन तपास केला.