बेळगावचे लोकायुक्त पोलीस निरीक्षक निरंजन पाटील यांनी कॅनडा येथे झालेल्या वर्ल्ड पोलीस अँड फायर ब्रिगेड क्रीडास्पर्धेत 45 वर्षांवरील वयोगटात 21 किमी अंतराच्या हाफ मॅरेथॉन शर्यतीत भाग घेऊन यश मिळवले.

जागतिक पोलीस आणि अग्निशमन खेळ ही आधुनिक जागतिक पोलीस यंत्रणा खेळांच्या माध्यमातून एकत्र आणणारी यंत्रणा आहे.दर दोन वर्षांनी होणारी ही क्रीडा स्पर्धा यावर्षी 28 जुलै ते 6 ऑगस्ट दरम्यान कॅनडातील विनिपेग येथे आयोजित करण्यात आली होती. या खेळांमध्ये भारताच्या वतीने विविध खेळांमध्ये सहभागी झालेल्या एकूण 40 खेळाडूंमध्ये कर्नाटकचे सेवानिवृत्त डीजीपी कृष्णमूर्ती, सेवानिवृत्त एडीजीपी बीएनएस रेड्डी, 99च्या बॅचचे डीएसपी लोकायुक्त सतीश यांनी टेनिस स्पर्धेत भाग घेतला.

बेळगावचे लोकायुक्त पोलीस निरीक्षक निरंजन पाटील यांनी 45 वर्षांवरील वयोगटात 21 किमी अंतराच्या हाफ मॅरेथॉन शर्यतीत भाग घेतला. त्यांनी ही मॅरेथॉन शर्यत 1 तास 54 मिनिटांत पूर्ण केली. तेथील थंड वातावरणाशी जुळवून घेणं थोडं कठीण होतं. 14 किमी धावल्यानंतर, त्यांना पायाच्या स्नायूंमध्ये क्रॅम्प आला आणि शर्यत पूर्ण करण्याची काळजी वाटत होती. मात्र, त्यांनी कोणतीही अडचण न येता शर्यत पूर्ण केली. पायाला आलेला रक्ताचा फोड याचा पुरावा आहे. तरीही जागतिक मंचावर वैयक्तिकरित्या माझे आणि माझ्या भारताचे प्रतिनिधित्व करण्याच्या कर्तृत्वाच्या भावनेच्या तुलनेत ही वेदना कमी होते अशी प्रतिक्रिया त्यांनी व्यक्त केली