हिरेकोडी जैनमुनी कामकुमार नंदी महाराज खून प्रकरणातील दोन आरोपीना चिक्कोडीचे डीवायएसपी बसवराज यलीगार सीपीआय आरआर पाटील यांच्या पथकाने हिंडलगा कारागृहातून ताब्यात घेतले . चिकोडी तालुका रुग्णालयात सदर आरोपींची आरोग्य तपासणी करून , त्यांना न्यायालयासमोर हजर करून , अधिक चौकशीसाठी आरोपींची १४ दिवसांची पोलीस कोठडी मागणार आहेत .

संपूर्ण राज्यच नाही तर देशाला हादरवून टाकलेल्या , चिकोडी तालुक्यातील , जैन मुनी कामकुमार नंदी महाराजांच्या ५ जुलै रोजी झालेल्या हत्येची अधिक चौकशी करण्यात येत आहे . यासाठी मंगळवारी सकाळी चिक्कोडीचे डीवायएसपी बसवराज यलीगार सीपीआय आरआर पाटील यांना पथकाने बेळगावच्या हिंडलगा कारागृहातुन नारायण माळी आणि हसन दलायत या दोघं आरोपीना ताब्यात घेतले .

पोलीस आरोपींना चिक्कोडी जेएमएफसी कोर्टात हजर करणार आहेत पोलीस 14 दिवसांची पोलीस कोठडी मागणार आहेत. दोन सीपीआय, एका डी आर पथकाच्या सुरक्षेत आरोपीना चिक्कोडीला रवाना करण्यात आले . हिंडलगा कारागृहातून त्यांना आरोग्य तपासणीसाठी चिक्कोडी तालुका रुग्णालयात नेण्यात आले. त्यानंतर पोलीस चिक्कोडी न्यायालयात हजर करणार आहेत. हत्या प्रकरणाच्या अधिक चौकशीसाठी पोलिस, आरोपींची चौदा दिवसांची पोलिस कोठडी मागणार आहेत.