वडगाव येथील शेतकऱ्याची दुभती म्हैस अचानक दगावल्याने त्याच्यावर आर्थिक संकट ओढवले आहे . यावर्षी पावसाने ओढ दिल्याने दुबार पेरणीचे संकट तोंडावर असलेल्या मुळात आर्थिक विवंचनेत असलेल्या शेतकऱ्याला दुभती म्हैस अचानक दगवल्याने त्रास सहन करावा लागत आहे. वडगाव पाटील गल्लीतील शेतकरी रत्नकांत चव्हाण यांची चरायला नेलेल्या ठिकाणी अचानक म्हैस मरण पावल्याने या शेतकऱ्याला अंदाजे 80 हजारांचे नुकसान झाले आहे. शनिवारी दुपारी धामणे रोड येथील तलावात म्हशी चरावयास घेऊन गेले असता एक म्हैस अचानक मयत झाली आहे.अश्या शेतकऱ्यांना मनपा प्रशासन , ए पी एम सी किंवा पशू संगोपन खात्याकडून नुकसान भरपाई मिळावी अशी मागणी शेतकऱ्यांनी केली आहे.