राज्यामध्ये काँग्रेसचे सरकार असून, केंद्र सरकार आम्हाला हवा तो तांदूळ देत नाही. ज्या खासदारांनी राज्यासाठी आवाज उठवायला हवा होता त्यांनी मौन बाळगले आहे. मोदी, केंद्र सरकार तांदूळ देण्यास तयार नाहीत . गरीब जनतेच्या तांदळाच्या बाबतीत सरकार राजकारण करत आहे, हे योग्य नाही, अशी तक्रार त्यांनी केली.

केंद्र सरकार जाणीवपूर्वक राज्याला तांदूळ देत नाही. राज्य सरकारला जनतेला तांदूळ देण्यासाठी संघर्ष करावा लागत आहे ही शोकांतिका असल्याचा संताप त्यांनी व्यक्त केला.

तांदूळ वाटपात राजकीय भेदभाव करणाऱ्या केंद्र सरकारचा बेळगाव जिल्हा युवक काँग्रेस कमिटीच्या वतीने निषेध करण्यात आला.

जिल्हा युवक काँग्रेसचे अध्यक्ष कार्तिक पाटील म्हणाले की, केंद्र सरकार हे द्वेषी राजकारणी असून तांदळाच्या प्रश्नावर सावत्र आईची भूमिका घेत आहे.

यल्लाप्पा शिंगे, राष्ट्रीय सरचिटणीस बंडी शिळके, गोपाळ दलवाई आदी उपस्थित होते.