चिक्कोडी तालुक्यातील नागरमुन्नोलीजवळ दुचाकी आणि मालवाहू वाहन यांच्यात धडक झाल्याची घटना घडली.
खुत्बु मौला पेंढारी, दस्तगीर हसन मुलतानी, श्रीकांत यलप्पा कांबळे हे तिघे जण या अपघातात गंभीर जखमी झाले.

काल सायंकाळी ते चिक्कोडीहून नागरमुन्नोळीकडे दुचाकीवरून जात होते. त्याचवेळी पाठीमागून येणाऱ्या आयशर गुड्स वाहनाने धडक दिली. त्यामुळे दुचाकीवरील तिघेजण गंभीर जखमी झाले असून त्यांना पुढील उपचारासाठी बेळगाव येथील खासगी रुग्णालयात दाखल करण्यात आले.
मालवाहू वाहनाचा चालक वाहन सोडून पळून गेला. चिक्कोडी वाहतूक स्थानकाचे पीएसआय अमीनभावी यांनी घटनास्थळी भेट देऊन पंचनामा केला. याप्रकरणी चिक्कोडी वाहतूक पोलिस ठाण्यात गुन्हा दाखल करण्यात आला आहे.