एका दुचाकीस्वाराने पेट्रोल पंपावर येऊन एक हजार रुपये किमतीचे पेट्रोल टाकून पैसे न देताच , पळ काढल्याची घटना , शिरगुप्पी गावातील पेट्रोल पंपावर घडली आहे .

शिरगुप्पी गावात सुमारे तीन पेट्रोल पंप असून उगार रस्त्यावरील पेट्रोल पंपावर ही सलग तिसरी घटना आहे. याशिवाय जुगुळ रोडवरील पंपावरही असाच प्रकार घडल्याची माहिती समोर आली आहे. याबाबत पंपावर काम करणारे कामगार रमेश बागेनूर, योगेश वड्डर, किरण शहापूर यांनी आपली व्यथा मांडली आहे. पेट्रोल भरून पळून गेल्याचे दृश्य पंपावरील सीसीटीव्ही कॅमेऱ्यात कैद झाले आहे. उदरनिर्वाहासाठी पंपावर काम करणारा गरीब कुटुंबातील तरुण अशा घटनांमुळे हैराण होऊन त्या व्यक्तीला पकडण्याचा प्रयत्न करताना सीसीटीव्हीत दिसत आहे .
सर्वसाधारणपणे, पेट्रोल पंपावरील कामगारांनी आता जागरूक राहून काम करणे आवश्यक आहे.