बीम्सच्या बीएससी नर्सिंग च्या १२व्या बॅचच्या तसेच जीएनएम नर्सिंगच्या १०६ व्या बॅचच्या विद्यार्थ्यांचा दीपदान आणि शपथविधी समारंभ पार पडला .
शहरातील , बीम्स कॉलेजच्या नूतन सभागृहात , या कार्यक्रमाचे आयोजन करण्यात आले होते . बीम्सचे डीन आणि संचालक डॉ . अशोक कुमार शेट्टी यांच्या अध्यक्षतेखाली पार पडलेल्या या कार्यक्रमाला प्रमुख पाहुणे म्हणून काहेर चे प्राचार्य विरेशकुमार नंदगाव उपस्थित होते . या कार्यक्रमामध्ये नर्सिंगच्या विध्यार्थ्यानी हातात मेणबत्ती घेऊन आपल्या सेवेची शपथ घेतली .

यानंतर बोलताना , प्राचार्य प्रदीप माळगी यांनी सांगितले कि , यावर्षी नर्सिंग कॉलेजच्या विद्यार्थ्यांनी चांगले यश मिळवले आहे .तसेच काही विद्यार्थ्यांनी सुवर्ण पदक पटकावले आहे . या संस्थेत उत्तीर्ण झालेले विद्यार्थी , हॉस्पिटल आणि प्राथमिक आरोग्य केंद्रात सेवा बजावू शकतात . सुमारे ३५७ विद्यार्थी शिक्षण घेत आहेत . या वर्षीपासून एमएससी पदव्युत्तर अभ्यासक्रम सुरु होत आहे . सर्व विद्यार्थ्यांनी , सरकारी महाविद्यालयातील या सुविधेचा लाभ घ्यावा असे आवाहन केले .प्रमुख पाहुणे , विरेशकुमार नंदगाव म्हणाले कि, अनेक विद्यार्थी व्यावसायिक कोर्स निवडून आपली भविष्य सुरक्षित करीत आहेत . परंतु तुम्ही नर्सिंग क्षेत्र निवडून , लोकांच्या सेवेसाठी कार्यरत राहणार आहात . वैद्यकीय क्षेत्रात नर्सिंगला सुद्धा फार महत्व आहे . या क्षेत्रात सुद्धा तुम्ही जसे शिक्षण घ्याल तसे हे क्षेत्र विस्तारित आहे . समाजात वृद्ध माणसांकडे दुर्लक्ष केले जात आहे . त्यांच्या आरोग्याकडे लक्ष देण्यास कोणी तयार नाही . त्यांचे कुटुंबीय यासाठी नर्सेसना नेमत आहेत . नर्सिंग क्षेत्राला सध्या खूप महत्व प्राप्त झाले आहे . त्यामुळे शिक्षणाचा सदुपयोग करून तुम्ही उत्तम रित्या जनसेवा, रुग्णसेवा करा असे आवाहन केले .

विविध स्पर्धांतील विजेत्या विद्यार्थ्यांना प्रमाणपत्रे वितरित करण्यात आली .
यावेळी बीम्सचे प्राचार्य तसेच वैद्यकीय अधीक्षक डॉ . ए बी पाटील ,डॉ . सुधाकर , ग्लॅडीस कस्तुरी , डॉ . सरोज तिगडी , प्राचार्य प्रकाश कोडली आणि विध्यार्थी उपस्थित होते .