दुचाकी आणि टेम्पो यांच्यात झालेल्या भीषण अपघातात दुचाकीवरून जाणाऱ्या तीन कोवळ्या तरुणांचा मृत्यू झाल्याची दुर्दैवी घटना चिक्कोडी तालुक्यातील बसवनाळगड्डेजवळ मंगळवारी रात्री घडली.
केरूर गावातील प्रशांत भैरू खोत, वय 22, सतीश कल्लाप्पा हिरेकोडी, वय 23 आणि यलगौडा चंद्रकांत पाटील, वय 22 अशी मृत तरुणांची नावे आहेत.

चिक्कोडी-अंकली मार्गावरील बसवनाळगड्डेजवळ टेम्पो आणि दुचाकी यांच्यात अपघात झाला. हे युवक दुचाकीवरून चिक्कोडीहुन केरुर गावाकडे जात असताना हा भीषण अपघात झाला. अपघातात दोघांचा जागीच मृत्यू झाला तर रुग्णालयात नेताना एकाने प्राण सोडले. चिक्कोडी पोलिसांनी घटनास्थळी भेट देऊन पंचनामा केला.