शेताला पाणी देण्यासाठी जाणाऱ्या एका शेतकऱ्याचा विषारी साप चावल्याने मृत्यू झाल्याची घटना विजापूर जिल्ह्यातील इंडी तालुक्यातील माविनहळ्ळी रोडवरील तेग्गीहळ्ळी मळ्यात शनिवारी घडली.मल्लाप्पा रामण्णा हुगार, वय 25 असे दुर्दैवी शेतकऱ्याचे नाव आहे. शेतात पाणी सोडताना त्याला साप चावला. त्याला तातडीने रुग्णालयात दाखल करण्यात आले. मात्र उपचार अयशस्वी ठरल्याने त्याचा मृत्यू झाला. घटनास्थळी जमलेल्या गावकऱ्यांनी सापाला ठार केले. या प्रकरणी इंडी शहर पोलिस ठाण्यात गुन्हा दाखल करण्यात आला आहे.