हुक्केरी तालुक्यातील बस्तवाड गावात घराला अचानक लागलेल्या आगीत घरातील प्रापंचिक साहित्य जळून खाक झाले.

हुक्केरी तालुक्यातील बस्तवाड गावातील इलायी शिपाई यांच्या घराला अचानक आग लागली. या आगीत घरातील सर्व संसारोपयोगी सामान जळून खाक झाले आहे. घरात कोणी नसताना आग लागल्याने सुदैवाने कोणतीही जीवितहानी झाली नाही. या आगीत घरातील पैसे, वधूचे कपडे, किराणा माल, अन्नधान्य, डाळ आदी साहित्य जळून खाक झाले.

आगीची माहिती मिळताच हुक्केरी अग्निशमन दलाच्या जवानांनी व नागरिकांनी घटनास्थळी धाव घेत आग विझवली. पोलीस व महसूल अधिकाऱ्यांनी घटनास्थळी भेट देऊन नुकसानीची माहिती घेतली