बेळगाव जिल्ह्यातील निप्पाणी तालुक्यातील सौंदलगा गावात शेडवर टाकलेला सिमेंटचा पाईप डोक्यावर पडून एकाचा मृत्यू झाल्याची घटना घडली.

उत्तम शिवाजी चव्हाण (वय 42) असे मृताचे नाव आहे. सोमवार, 22 मे रोजी सायंकाळी मयत उत्तम हा त्याच्या मित्रांसह घराशेजारील शेडमध्ये ठेवलेला सिमेंटचा पाईप पोकलॅंड मशीनच्या सहाय्याने काढत होता. दरम्यान, मशिनच्या साहाय्याने पाईप काढत असताना निखळलेला पाइप उत्तमच्या डोक्यावर पडला. त्यामुळे उत्तम खाली पडून गंभीर जखमी झाला.
त्याला तातडीने निपाणी येथील खासगी रुग्णालयात उपचारासाठी दाखल करण्यात आले. नंतर त्याची प्रकृती चिंताजनक झाल्याने कोल्हापुरातील खासगी रुग्णालयात दाखल करण्यात आले. तीन दिवस उपचार करण्यात आले. बुधवारी सकाळी त्याला कोल्हापुरातील शासकीय रुग्णालयात दाखल करण्यात आले, मात्र उपचारात यश आले नाही आणि मध्यरात्री त्यांचा मृत्यू झाला. दरम्यान, उत्तमचा मृत्यू होताच त्याचे मित्र आणि कुटुंबीयांनी रुग्णालयात धाव घेत एकच आक्रोश केला. मयत उत्तम यांच्यावर गुरुवारी सकाळी अंत्यसंस्कार करण्यात आले. त्याच्या पश्चात आई, वडील, पत्नी, दोन मुली, एक मुलगा आणि एक विवाहित बहीण असा परिवार आहे.