दारूच्या नशेत कार चालवून दोन रिक्षा आणि एका बाईकला धडकून कार उलटविणाऱ्या दारुड्या चालकाची महिलेने चपलेने प्रसाद देऊन पूजा केल्याची घटना विजापूर शहरातील स्टेशन रोड येथे काल रात्री घडली.
मद्यधुंद अवस्थेत गाडी चालवल्याने कारची दोन रिक्षा आणि एका दुचाकीला धडक बसली. त्यानंतर एक रिक्षा उलटली.

उलटलेल्या रिक्षामधील महिलेने कार चालकाला चापट मारली. आपण बेजबाबदारपणे आणि मद्यधुंद अवस्थेत कार चालवल्याचा आणि अपघात झाल्याचा संताप या महिलेने व्यक्त केला. ऑटोरिक्षा आणि बाईकवरील लोक किरकोळ जखमी झाले. एका महिलेने कार चालकाला मारहाण केल्याचा व्हिडिओ आज विजापूर परिसरात व्हायरल झाला आहे. पोलिसांनी कार चालकाला ताब्यात घेतले आहे. विजापूर वाहतूक पोलीस ठाण्याच्या हद्दीत ही घटना घडली.