तीव्र उन्हामुळे घटप्रभा डाव्या व उजव्या कालव्यात पाणी सोडण्याची मागणी जिल्ह्यातील शेतकऱ्यांनी सरकारकडे केली आहे.

कर्नाटक राज्य रयत संघटनेचे अध्यक्ष चुनप्पा पुजेरी यांच्यासह शेकडो शेतकऱ्यांनी घटप्रभा डाव्या व उजव्या कालव्यात पाणी सोडण्याच्या मागणीचे निवेदन प्रादेशिक आयुक्त व जिल्हाधिकाऱ्यांना दिले.

उन्हाळ्यामुळे तापमानात मोठी वाढ झाल्यामुळे कूपनलिका आणि विहिरींचे पाणी कमी झाले आहे, त्यामुळे गुरांना पिण्यास पाणी नाही. या संदर्भात शेतकऱ्यांनी यापूर्वीच प्रादेशिक आयुक्त, पाटबंधारे विभागाचे मुख्य आयुक्त व जिल्हाधिकार्‍यांना तातडीने पाणी सोडण्याच्या मागणीचे निवेदन दिले आहे. बेळगाव जिल्ह्यातील गोकाक, रायबाग, जमखंडी, मुडलगी तालुक्यातील गावांना 20 दिवस दररोज पाणी सोडण्याचे आश्वासन दिले आहे. ते न पाळल्यास हजारो शेतकऱ्यांच्या सहभागाने राष्ट्रीय महामार्ग रोखून आंदोलन करू असा इशारा चुन्नाप्पा पुजेरी यांनी दिला.

यावेळी चुन्नाप्पा पुजेरी यांच्या नेतृत्वाखाली जिल्ह्यातील विविध तालुक्यातील शेतकरी नेते व शेकडो शेतकऱ्यांनी सहभाग घेतला.