नवलगुंद येथे काँग्रेस उमेदवाराच्या प्रचारासाठी आलेल्या एआयसीसीच्या सरचिटणीस प्रियांका गांधी यांनी व्यासपीठावर जाण्यापूर्वी जुन्या तहसीलदार कार्यालयाजवळील रस्त्यावरील पत्र्याच्या शेडच्या छोट्या हॉटेलला अचानक भेट देऊन सगळ्यांना आश्चर्याचा धक्का दिला.
प्रियांका गांधी यांना हॉटेलमध्ये प्रवेश करताना पाहून मालक बालनागम्मा रंगास्वामी आश्चर्य वाटले आणि त्यांना आनंदाश्रू फुटले. हॉटेलमध्ये घुसलेल्या सुरक्षा कर्मचार्‍यांनी हॉटेलमालक आणि त्यांच्या मुलांना मोबाईल काढून घेण्याच्या सूचना दिल्या आणि कोणीही आत जाऊ नये म्हणून हॉटेलला घेराव घातला.

प्रियांका गांधी यांनी बालनागम्मा यांच्यासोबत सुमारे 30 मिनिटे गप्पा मारल्या. त्यांची आस्थेने विचारपूस केली. नंतर दूध नसलेला कोरा चहा पिऊन प्रियांका बाहेर पडल्या.

यानंतर प्रसारमाध्यमांशी बोलताना बालनागम्मा यांनी सांगितले की, प्रियंका आमच्या हॉटेलला भेट देणार हे माहित नव्हते. अचानकच त्यांनी आमच्या हॉटेलला भेट दिली. दिवसभराचे काम आणि या छोटय़ाशा हॉटेलमधून मिळणारे तुटपुंजे उत्पन्न यातून आपण कुटुंब कसे सांभाळतो, असे सर्व प्रश्न त्यांनी आम्हाला विचारले. बालनागम्मा यांनी सांगितले की, ती केवळ 7 मुलांसह हॉटेल चालवून कुटुंबाचे नेतृत्व करत नाही, तर तिने गरिबांचा आधार असलेल्या काँग्रेस पक्षाला मत देणार असल्याचेही सांगितले.