बेळगाव उत्तर मतदार संघाचे काँग्रेसचे उमेदवार आसिफ उर्फ राजू सेठ यांनी आपल्या मतदारसंघातील विविध भागांना भेट देऊन तिथल्या नागरिकांच्या समस्या जाणून घेऊन , चांगल्या भविष्याचे आश्वासन दिले .

आपल्या समाजकार्याची सतत जनतेच्या संपर्कात असलेले , अंजुमन ए इस्लामचे अध्यक्ष , तसेच सध्याचे काँग्रेसचे बेळगाव उत्तर मतदार संघाचे उमेदवार आसिफ उर्फ राजू सेठ हे प्रचारादरम्यान जनतेच्या समस्या जाणून घेत आहेत . त्यांनी नेहरूनगर येथील पी के क्वार्टर्सला भेट दिली आणि स्थानिक समस्यांवर त्यांच्याशी चर्चा केली . यावेळी इथल्या रहिवाशांनी आसिफ सेठ याना पूर्ण पाठिंबा दर्शवला .

त्याचप्रमाणे ,मतदार संघातील श्रीनगर भागात देखील असिफ सेठ यांनी आपल्या कार्यकर्त्यांसह जाऊन तिथल्या रहिवाशांना भेट दिली . यावेळी असिफ सेठ यांचे रहिवाशांनी उत्स्फूर्त स्वागत करून पाठिंबा दर्शवला . यावेळी इथल्या लोकांनी , आसिफ सेठ यांच्यासमोर , आपल्या भागातील समस्यांचा पाढा वाचला . त्याला प्रतिसाद देत , असिफ सेठ यांनी भविष्यात या सर्व समस्यांचे निराकरण करू असे सांगितले .

एकंदर , कोरोना काळात केले समाजमुखी कार्य , तसेच गोरगरिबांना केलेली मदत , शिक्षण क्षेत्रात
आपल्या संस्थेच्या माध्यमांतून , समाजातील मुलींना दिलेले प्राधान्य , त्याच प्रमाणे माजी आ . फिरोज सेठ यांनी त्यांच्या आमदारकीच्या काळात उत्तर मतदारसंघाचा केलेला विकास लक्षात घेता , काँग्रेस उमेदवार आसिफ सेठ याना , मतदारसंघातून भरघोस पाठिंबा मिळत आहे .