बेळगावात काय बघायचे असा सवाल करणाऱ्यांना आता उत्तर मिळाले आहे. राज्याची दुसरी राजधानी असूनही शहराजवळ प्रेक्षणीय व सहलीसाठी अशी जागा नव्हती. पण या सगळ्याला ५ मार्चला उत्तर मिळाले. राजहंसगड हे शहराच्या बाहेरील सर्वात सुंदर ऐतिहासिक पर्यटन स्थळ म्हणून वेगळे आहे.

रविवारीयेथे नागरिकांनी मोठी गर्दी केली होती. अंधार पडला तरी लोक येतच होते . हजारो वाहने जमा झाली होती. त्यावर नियंत्रण मिळवण्यासाठी पोलिसांच्या नाकीनऊ आले .

येळ्ळूर गड किंवा राजहंसगड म्हणून ओळखला जाणारा छत्रपती शिवाजी महाराजांचा किल्ला सुंदर होता पण पायाभूत सुविधांचा अभाव होता. मात्र बेळगाव ग्रामीण मतदारसंघाच्या आमदार लक्ष्मी हेब्बाळकर यांच्या प्रयत्नाने येथे छत्रपती शिवाजी महाराजांचा सिंहासनारूढ असा दुर्मिळ पुतळा बसवण्यात आला आहे. येथील सिद्धेश्वर मंदिराचा जीर्णोद्धार करण्यात आला आहे. संपूर्ण वातावरण विकसित झाले आहे. रस्ते बांधले जात आहेत .

राजहंसगड हे प्रमुख धार्मिक पर्यटन स्थळ म्हणून विकसित झाले आहे. नूतनीकरण केलेल्या सिद्धेश्वर मंदिर आणि छत्रपती शिवाजी मूर्तीच्या उद्घाटनापासून राजहंसगड पर्यटकांना मोठ्या प्रमाणात आकर्षित करत आहे. शनिवार, रविवार आणि सुटीच्या दिवशी लोकांची गर्दी जमते.

उद्घाटनाच्या दिवशीच दीड लाखांहून अधिक लोकांनी येऊन जल्लोष केला. येथे दररोज १०-१५ हजार पर्यटक येत असून आनंद लुटत आहेत. आमदार लक्ष्मी हेब्बाळकर यांच्यावर कौतुकाचा वर्षाव होत आहे

रविवारी सकाळी वाहने राजहंसगडाकडे रांगेत येत होती. हजारो लोकांनी येऊन आनंदोत्सव साजरा केला. सायंकाळनंतरही हजारोंच्या संख्येने दुचाकी आणि कार जमा झाल्या होत्या. अंधार पडल्याने पोलीस लोकांना परत पाठवण्याचा प्रयत्न करत होते. पर्यटकांची संख्या दिवसेंदिवस वाढत आहे.

अजून काही छोटी कामे व्हायची आहेत आणि सिद्धेश्वर मंदिराचा अजून थोडा विकास करण्याची गरज आहे. लक्ष्मी हेब्बाळकर यांची तिथे एक छोटा वॉटर फॉल बनवण्याची योजना आहे. छोटी कामे लवकरात लवकर व्हावीत यासाठी त्यांनी योजना आखली आहे.

हे ठिकाण येत्या काळात बेळगावकरांना अधिक आनंद देणार आहे. अशा प्रकारे लक्ष्मी हेब्बाळकर यांचे नाव सदैव प्रतिष्ठित आहे. सरकारने पैसे दिले असतील. पण आजवर कोणाची इच्छाशक्ती नव्हती. लक्ष्मी हेब्बाळकर यांनी दाखवून दिले आहे. एखाद्या चांगल्या कामाचे कौतुक केले पाहिजे.

बेळगाव शहरापासून 17 किमी अंतरावर असलेल्या या पर्यटनस्थळी पोहोचण्यासाठी 30 मिनिटे लागतात. संध्याकाळी 5 वाजता तिथे पोहोचल्यास संध्याकाळी 6.30 वाजेपर्यंत तिथल्या सौंदर्याचा आनंद लुटता येईल.