केपीसीसी प्रचार समितीचे अध्यक्ष एम बी पाटील म्हणाले की, काँग्रेस नेते राहुल गांधी उद्या बागलकोट विजापूर जिल्ह्याचा दौरा करणार आहेत.

तातडीच्या पत्रकार परिषदेत बोलताना त्यांनी सांगितले कि , उद्या सकाळी 7-20 वाजता, राहुल गांधी दिल्ली विमानतळावरून रवाना होतील. सकाळी 10:00 वाजता ते हैदराबादहून हुबळीकडे प्रयाण करतील आणि सकाळी 10:50 वाजता ते हुबळीहून हेलिकॉप्टरने प्रवास करतील आणि 11:40 वाजता बागलकोटमधील कुडलसंगम मैदानात पोहोचतील. 11-50 ते 12-10 पर्यंत ते कुडलसंगम मंदिर आणि बसवण्णांच्या ऐक्य मंडपाला भेट देतील.

12-15 ते 1-30 या कालावधीत बसव मंटप, कुडलसंगम येथे होणाऱ्या बसव जयंती कार्यक्रमात सहभागी होणार असून, 1-40 ते 2-10 या कालावधीत कुडलसंगम येथील दासोह भवनात प्रसाद घेणार असल्याचे त्यांनी सांगितले. 2-15 ते 4-15 पर्यंत कुडलसंगम येथील यात्री निवास येथे विसावा घेतील. 4-25 वाजता हेलिकॉप्टरने विजापूर जाणार असून 4-50 वाजता हेलिकॉप्टरने विजापूरला पोहोचणार असून, सायंकाळी 5 ते 6-30 या वेळेत रोड शो करणार असल्याचे त्यांनी सांगितले.

ते शहरातील शिवाजी चौक ते कनकदास सर्कल असा रोड शो करणार आहेत. विजापूर शहरात ते रात्रीचा मुक्काम करणार असल्याचे एम.बी.पाटील यांनी सांगितले.