हुक्केरी शहरातील शिवलिंगेश्वर विरक्त मठ व हावेरी मठ यांच्या वतीने बसव जयंती उत्सव व प्रवचन कार्यक्रमाचे आयोजन करण्यात आले आहे. अशी माहिती शिव बसव महास्वामीजीनी दिली .

आज प्रसारमाध्यमांशी बोलताना ते म्हणाले की, 19 ते 23 एप्रिलपासून शिवलिंगेश्वर प्राथमिक शाळेच्या प्रांगणात दररोज सायंकाळी 6 वाजता बसव दर्शन प्रवचनाचे आयोजन करण्यात आले असून, हुक्केरी शहरातील सर्व भाविकांनी यावे व प्रवचन ऐकावे व प्रसाद ग्रहण करावा.

रविवारी देशातील विविध मठाधिपतींच्या उपस्थितीत होणाऱ्या समारोप समारंभात जमीन देणाऱ्यांचा आणि कर्तृत्वाचा गौरव करण्यात येणार असल्याचे श्री मठाचे निकटवर्तीय सेवानिवृत्त प्राध्यापक सी जी पाटील यांनी सांगितले.