शेट्टीहळ्ळी चेक पोस्टवर कोणत्याही कागद्पत्रांविना नेण्यात येणारी 3.25 लाख रुपये रक्कम तपासणी अधिकाऱ्यांनी आज जप्त केली.

विधानसभा निवडणूक असल्याने बेळगाव जिल्ह्यात निवडणूक आचारसंहितेची कडक अमलबजावणी सुरु आहे. या पार्श्वभूमीवर यमकनमर्डीजवळील शेट्टीहळ्ळी चेक पोस्टवर एका वाहनांची नाक्यावरील कर्मचारी-अधिकाऱ्यांनी तपासणी केली असता, त्यात सव्वातीन लाख रुपये रोख रक्कम आढळून आली.

या रकमेबाबत कोणतीही कागदपत्रे नसल्याने ती रक्कम जप्त करण्यात आली. या प्रकरणी यमकनमर्डी पोलीस स्थानकात गुन्हा नोंद करण्यात आला आहे.

त्याचप्रमाणे हारुगेरी चेक पोस्टवर 2.49 लाख रुपये जप्त करण्यात आले. अथणी तालुक्यातील ऐगळी येथे छापा मारून 188 लिटर दारू जप्त करण्यात आली. या दारू साठ्याची किंमत समजू शकली नाही. या प्रकरणी ऐगळी पोलीस स्थानकात गुन्हा नोंद करण्यात आला आहे.