रस्ता ओलांडणाऱ्या पादचाऱ्याच्या अंगावरून शेकडो वाहने गेल्याने एका व्यक्तीचा मृतदेह पूर्णपणे छिन्नविछिन्न

झाल्याची घटना हुबळी तालुक्यातील शिरगुप्पी गावात घडली आहे .

शिरगुप्पी येथील नेहरू हायस्कूलसमोर रस्ता ओलांडणाऱ्या ४०-४५ वर्षीय पादचाऱ्याचा रात्री उशिरा अज्ञात वाहनाने धडक दिल्याने रस्त्याच्या मधोमध मृत्यू झाला.

रात्रीच्या वेळी घडलेल्या या घटनेमुळे या रस्त्यावरून जाणारी इतर वाहनेही पादचाऱ्याच्या मृतदेहाच्या अंगावर गेल्याने मृतदेह संपूर्ण छिन्नविछिन्न झाला आहे .

मृत व्यक्तीची ओळख पटलेली नाही. घटनेची माहिती मिळताच हुबळी ग्रामीण स्टेशनच्या पोलिसांनी घटनास्थळी भेट देऊन तपास केला.