आगामी विधानसभा निवडणुकीसाठी इलेक्ट्रॉनिक मतदान यंत्राचा वापर करण्यात येणार असून, हुक्केरी तहसीलदार कार्यालयात त्याचे प्रात्यक्षिक आयोजित करण्यात आले असल्याचे तहसीलदार एस बी इंगळे यांनी सांगितले.

हुक्केरी तहसीलदार कार्यालयात बसविण्यात आलेल्या इलेक्ट्रॉनिक मशिनचा वापर आणि त्याद्वारे पडलेल्या मतांची पडताळणी याबाबत त्यांनी जनतेला माहिती दिली.
त्यानंतर प्रसारमाध्यमांशी बोलताना इंगळे म्हणाले की, विधानसभा निवडणुकीत हुक्केरी व यमकनमर्डी मतदारसंघात इलेक्ट्रॉनिक मशिनचा वापर होत असल्याने जनतेला मशिनची माहिती मिळावी व प्रत्येकाने मतदानात सहभागी होऊन मतदान करावे.

यावेळी निवडणूक अधिकारी एम.एम.बलदार , उपतहसीलदार एन.एम.पाटील, बसवराज नांदेकर व कर्मचारी उपस्थित होते.