केपीसीसीचे कार्याध्यक्ष आर. ध्रुवनारायण यांच्या निधनाबद्दल मुख्यमंत्री बसवराज बोम्मई यांनी शोक व्यक्त केला आहे. आपला प्रिय मित्र ध्रुवनारायण यांच्या आकस्मिक निधनाने धक्का बसल्याचे बोम्मई यांनी सांगितले.

पत्रकारांशी बोलताना मुख्यमंत्री बोम्मई म्हणाले की, ध्रुवनारायण माझे चांगले मित्र होते. विरोधी पक्षात असतानाही त्यांनी माझ्याशी राज्याच्या विकासाबाबत अनेकदा चर्चा केली. गरीब लोकांच्या विकासासाठी त्यांनी अनेक योजनांचा उल्लेख केला. लोकांची काळजी घेणारे ते चांगले राजकारणी होते. त्यांचे विधिमंडळातील भाषण संपूर्ण राज्यासाठी प्रेरणादायी होते. त्याच्या वियोगाने वेदना झाल्या आहेत. त्यांच्या आत्म्याला शांती लाभो. परमेश्वराने कुटुंबीयांना हे दुःख सहन करण्याची शक्ती देवो, अशी प्रार्थना करतो असे ते म्हणाले.

त्याचबरोबर ध्रुवनारायणाच्या पार्थिवावर पोलीस सन्मानाने अंत्यसंस्कार करण्याचा निर्णय घेण्यात आल्याचे त्यांनी सांगितले.