भारताला जागतिक नेता बनवण्यासाठी कर्नाटक मोठे योगदान देईल असे मुख्यमंत्री बसवराज बोम्मई म्हणाले.
पंतप्रधान नरेंद्र मोदी यांनी आज उद्घाटन केलेल्या “एरो इंडिया शो 2023” कार्यक्रमात पंतप्रधान मोदींच्या उपस्थितीत ते बोलत होते.

बोम्मई पुढे म्हणाले, या यशासाठी पंतप्रधानांच्या इच्छेनुसार कर्नाटक अर्थव्यवस्था, सामाजिक व्यवस्था आणि संरक्षण क्षेत्रात योगदान देईल. एरो इंडिया शोची 14 वी आवृत्ती विस्तार आणि कामगिरीच्या दृष्टीने अतिशय खास आवृत्ती आहे. हा आंतरराष्ट्रीय स्तरावरील सर्वात मोठा एअर शो आहे. संरक्षण क्षेत्रात आणि एअर शोमध्ये भारताने आपली क्षमता दाखवून दिली आहे. कोविडमुळे पॅरिस एअर शो आयोजित करण्यात आला नसला तरी आमचा एअर शो यशस्वीपणे पार पडला. यावेळी प्रदर्शनाचे क्षेत्र आणि प्रदर्शकांची संख्याही वाढल्याचे त्यांनी सांगितले.

कर्नाटकात 1940 मध्ये H.E.L, 1950 मध्ये B.H.E.L, B.E.L, डीआरडीओची स्थापना केली. इस्रो 1960 मध्ये सुरु झाले. त्यांचा पहिला उपग्रह आर्यभट्ट 1970 मध्ये बेंगळुरू येथे तयार करण्यात आला. तिथून आम्ही मागे वळून पाहिले नाही. कर्नाटक आता एरोस्पेस आणि संरक्षण क्षेत्रातील आघाडीचे राज्य आहे. संरक्षण क्षेत्रातील 65% उत्पादन बंगळुरूमध्ये होत आहे असे ते म्हणाले.

ते म्हणाले की, राज्यात एरोस्पेस आणि संरक्षण धोरण लागू असून संरक्षण आणि एरोस्पेस उद्योगांच्या विकासासाठी 45 हजारांहून अधिक तरुणांना जोडले जाईल. यावेळी मुख्यमंत्र्यांनी कर्नाटकला 14 व्या एरो शोचे आयोजन करण्यास परवानगी दिल्याबद्दल पंतप्रधान आणि संरक्षण मंत्री यांचे आभार मानले. संरक्षण क्षेत्राची ताकद आणि क्षमता निर्माण करण्यासाठी कर्नाटक आपले योगदान देत राहील, असे ते म्हणाले.

दरम्यान, एरो इंडियात हवाई दलाच्या वैमानिकांनी लढाऊ विमानांच्या अनेक चित्तथरारक कसरती आकाशात सादर केल्या. देश-परदेशातून अनेक विमानप्रेमींनी या सोहळ्याला हजेरी लावली आहे.